Ég er gjörsamlega vonlaus námsmaður! Ég er núna búin að hafa 4 vikur til að byrja á 5 bls. söguritgerð. Ég hef ALLAN tímann í heiminum þar sem ég er bókstaflega ekki að gera neitt í skólanum. Sit hérna ein í 18 einingum, þar af 6 í p og 2 í listaáfanga sem þýðir EKKI GERA NEITT. Eins og málshátturinn sem ég fékk á síðustu páskum (og hengdi upp á vegg hjá mér, mér til viðvörunar) þá er "Iðjuleysi rót alls ills!" Ó já, þetta iðjuleysi er að gera mig vitlausa. Ég er farin að stara út í loftið heilu og hálfa dagana. Ég er búin að horfa á tæpar 4 seríur af Friends á 2 vikum og náð að toppa trivia og sitja þar í 1. sæti í heila viku... og það með yfir 1000 stigum á undan næsta á eftir mér. Ójá, ég á mér ekkert líf. Og þetta örfáa sem ég þarf nú að læra heima kem ég mér bara ekki í að gera! Vá.. og ég sem er búin að vera á fullu síðustu 4 annir (fyrsta önnin var líka leti) í 25 einingum og öllu hinum og læra og læra og læra og læra. Ég held að þetta verði hálfléleg önn, einkunarlega séð. Nema í íslensku :P Og svo fjarvíddarteikningu... sama hvað ég geri í þessum blessuðu listaáföngum þá fæ ég alltaf 9. Svona er ég nú heppin að vera alltaf í tímum með fólki sem nenna ekki að gera neitt í tímum af því að þetta er "bara listaáfangi".


Ég held að ég þurfi að redda mér vinnu á næsta ári, eða einhverju fleiru til að gera fyrst skólinn er ekki nóg fyrir mig.. kannski ég byrji bara að æfa á fiðlu aftur? Mig langar geðveikt til þess :P Kannski taka hlé á píanóið.. eða nei ég get ekki hætt... Og svo verð ég í gettu betur (úff, hvað verður um gettu betur.. allir eru að útskrifast..) og svo kannski hugsanlega býð ég mig fram sem formann MME.. hver veit. Haffi var allavega að reyna að fá mig til þess. Mig langar allavega að vera með í Morfís en ég veit ekki hvort ég gæti verið með að keppa.. ég er svo ótrúlega ósannfærandi, allavega vinna allir mig í rifrildum >.<

Páskafrí eftir 5 daga :D Jei! - ég vil fá strumpapáskaegg!
Þið munið eftri því að kíkja reglulega á gullkornin! Það eru alltaf fleiri og fleiri að bætast við (allavega á meðan við umgöngumst Magnús Búa og Leif... þaðan koma gullkornin)